Festa e Lakrorit në fshatin Polenë të Korçës vazhdon të tërheqë vëmendjen e turistëve vendas e të huaj
Lakrori me dy petë i pjekur në saç është nga specialitetet më të kërkuara ndaj e për këtë bashkia edhe për të ruajtur traditën çdo vit organizon një festë të tillë në fshatin që nuk është më larg se 5km nga qyteti i Korçës.
Morena Bilasi dhe Marsela Koroveshi janë nga fshati Voskop e Polenë. Si njëra dhe tjetra gatimin e lakrorit me dy petë e kanë mësuar nga nënat e tyre ndërkohë që edhe ato vet ja kane mësuar këtë specialitet kulinarie vajzave të tyre.
Gratë korçare edhe në kushte kur kanë vite të tëra në emigracion, Festa e Lakrorit i sjell çdo vit në fshatin Polenë. Ato thonë se Lakrorin e gatuajnë edhe atje ku jetojnë e punojnë por ju mungon saçi, ai që i jep shijen e veçantë këtij specialiteti kuzhine.
Fillimisht festa e Lakrorit është organizuar në parkun “Rinia”, më pas në Boboshticë e prej shumë vitesh në fshatin Polenë sepse amvisat polenake janë të veçanta në gatimin e lakrorit me dy petë të pjekur në saç
