Këto fotot e mëposhtme janë sa për ilustrim të situatës së tyre të tanishme, e cila është e mjerë dhe njëkohësisht thirrje (!) për rikthim të rrjedhjes së ujit dhe hijeshisë së tingullit dhe freskisë së tij, për këdo ekzekutiv Bashkiak që do jetë nesër në detyrë.
Shënim: përveç çezmës së Papa Llambro Ballamaçit që ende gurgullon nga dherri dhe asaj të Shën Mërisë, të tjerat, Çezmat e Reja, Çezma e Rrotës, e Shetrove, e Bashtës Themistokli dhe e Amzës, sikur i ka pirë kuçedra.
Sigurisht që sistemi me ujë të pijshëm 24 orë, për rrjetin qytetas, tashmë merret si i mirëqenë dhe është arritje në raport me Kryeqytetin e mjaft zona të tjera urbane të Shqipërisë, por këto çezma nëse janë në punë, nuk i bëjnë baltë askujt, përkundrazi janë vlerë e Trashëgimisë sonë tashmë të harruar.
