“Faleminderit që me besuat”
Ka ardhur edhe reagimi i Ledina Alolli pas humbjes së zgjedhjeve në qytetin e KorçësShihni me poshtë reagimin e saj
Bashkëqytetarët e mi!
Në momente të caktuara, mirënjohja vlen më shumë se dhe vetë fitorja e një kauze. Përzemërsisht e ndiej veten falenderuese dhe krenare që bashkëpunova me secilin dhe secilën prej jush.
Falenderuese për të gjithë anëtarët dhe mbështetësit e opozitës, komisionerët, vëzhguesit, numuruesit dhe bashkëpunëtorët e mi. Mirënjohëse banorëve të njësive administrative dhe qytetarëve të Korçës që hapën dyert e zemrës dhe të familjeve të tyre.
Emocione të veçanta kam ndier në çdo ditë të fushatës dhe do i jem mirënjohëse përherë të rinjve të mrekullueshëm që më mbështetën dhe ishin me mua në çdo moment të saj.Jam e bindur se qytetaria, kultura dhe mirësjellja janë vlerat tona shekullore, që nuk do t’i mposhtë asnjë regjim.
Demokracia do triumfojë sepse në themel të saj janë të drejtat dhe liria e njeriut.
