Në skenën e Teatrit “Andon Z. Çajupi” në Korçë, më 26 maj në orën 19:00, do të prezantohet shfaqja teatrale “Lingua Madre – A Space to Fill”. Kjo vepër sjell rrëfime të fuqishme të grave dhe vajzave që përballen me sfidat e të qenit grua në një shoqëri ku zëri i tyre shpesh mbetet i heshtur.
Performanca ndërthur elemente teatrale dhe artistike për të krijuar një hapësirë reflektimi dhe dialogu mbi rolin dhe identitetin femëror në botën e sotme. Në këtë event do të marrin pjesë artistet Ema Andrea, Aida Talliente dhe Elvira Buonocore, të cilat do të japin jetë historive të ndryshme dhe ndjeshmërisë së tyre.
Shfaqja është një ftesë për publikun që të dëgjojë, të mendojë dhe të kontribuojë në krijimin e një hapësire ku zërat e femrave nuk mbeten të padëgjuar.
Ky event organizohet nga EUD Albania në kuadër të Javës së Europës 2025 në Shqipëri.
