Nga 31 tetori, kompania ajrore Ryanair, pjesë e “Kastrati Group” do të nisë fluturimet nga dhe për në Shqipëri në 17 destinacione.
Kastrati Group sjell kompaninë ajërore Ryanair, i cili ka sjellë revolucionin e çmimeve të ulëta në Europë dhe nis fluturime nga Shqipëria nga 31 tetori.
Kjo linjë ajrore konfirmon rekord të rezervimeve të biletave për 17 destinacionet e reja nga Shqipëria. Këtë të mërkurë është firmosur kontrata mes kompanisë ajrore Ryanair dhe kompanisë shqiptare.
CEO i Ryanair thotë se aviacioni do të ketë një rritje të jashtëzakonshme të trafikut dhe turizmit, me bileta që nisin nga 14.99 euro.
“Javën e ardhshme, të martën më 31 tetor, revolucioni i çmimeve të ulëta vjen në Shqipëri me Ryanair. Ne do të nisim 17 destinacione të reja për në/nga Tirana, ku tashmë më shumë se 70% e vendeve të ofruara janë shitur për muajin e parë të operimeve.
Oferta e lartë për sezonin dimëror të Ryanair në Tiranë me 17 destinacione, dhe mbi 200 frekuenca javore tregojnë kërkesën e jashtëzakonshme që ekziston për udhëtime me çmime vërtet të ulëta për ardhjen e turistëve në Shqipëri, si dhe për qytetarët shqiptarë gjithashtu, si linja ajrore nr.1 në Evropë.
Jemi krenarë të hapim 17 destinacione të reja për në Tiranë javën e ardhshme dhe jemi të lumtur nga fluksi i rezervimeve të kryera në avancë dhe kërkesa që ekziston në Shqipëri dhe anembanë Evropës për fluturimet me çmime të ulta të Ryanair për në dhe nga Tirana.”- u shpreh CEO i kompanisë, Micahel O’leary.
Kërkesat e klientëve janë të shumta dhe kanë ezuauruar 70 % të vendeve të ofruara për muajin e parë të fluturimeve.
