Vllaznia pret sot në “Loro Boriçi” Skëndërbeun, takim i vlefshëm për javën e 36-të dhe të fundit të Abissnet Superiore.
Shkodranët vijnë në këtë takim pas një barazimi pa gola në “Air Albania” ndaj Tiranës. Me anë të atij rezultati, humbën edhe vendin e dytë të renditjes dhe kështu edhe një lloj përparsie në “Final 4”. Tani duket se objektivi i tyre i vetëm është kualifikimi në Kupat e Europës. Më interesantja është që këtë gjë mund ta bëjnë duke e lejuar Skënderbeun të fitojë sot dhe të kualifikohet për “Final 4”.
Nga ana tjetër janë korçarët e Gvozdenoviç. Ata nuk kanë më de çfarë të humbin, dhe duhet të luftojnë fort për të marrë 3 pikët, që shumë rrallë kush i ka marrë në fortesën “Loro Boriçi”. Edhe pse kualifikimi për Kupat e Europës është i pamundur për shkak të dënimit që klubi korçar ka marrë, përsëri kualifikimi për “Final 4” do të ishte prestigj, dhe nuk i dihet, ndoshta mund t’i shpall edhe kampionët e rinj të Shqipërisë.
LIVE: VLLAZNIA-SKËNDERBEU 1-4
Halili 11′ / Liço 4′ , Rashica 17′ (p), Nikaj 60′ , Xhantu 62′
KOMENTI LIVE:
62′ GOOOL SKËNDERBEU 1-4/ Zhbllokohet edhe sulmuesi Ivan Xhantu, i cili e bën “sefte” duke shënuar golin e parë me fanellën e bardhekuqve.
60′ GOOOL SKËNDERBEU 1-3/ Shënon edhe shkodrani Nikaj, pas asistit të Ivan Xhantu, sulmuesi i Skënderbeut e pati shumë të thjeshtë të shënonte me portën e boshatisur.
57′ Vllaznia kryen 2 zëvendësime, largohen nga fusha Dodaj dhe Pusi në fushë, Arra dhe Curri.
55′ Vuan disi Skënderbeu në këto minuta, Vllaznia ushtron presing të lartë në zonën e korçarëve.
49′ Pranë golit të barazimit Vllaznia me Zaganjorin, tentativa e tij bllokohet në momentin e fundit nga Prençi.
Përfundon pjesa e parë!
45+2′ Pranë golit të tretë Skënderbeu me Liçon, por tentativa e tij ndalet nga Jukaj.
45′ Akordohe 3 minuta shtesë!
35′ Minuta të qeta, loja është e fokusuar në mesin e fushës, me korçarët që përpiqen të menaxhojnë epërsinë.
27′ Sërish rrezikshëm Vllaznia, me Zaganjorin që provon nga distanca, por topi shkon mbi traun e portës së Aliajt.
17′ GOOOL SKËNDERBEU 1-2/ Korçarët sërish në avantazh, Rashica nuk fal nga 11-metra, duke kthyer në gol penalltinë e fituar nga Juri.
15′ Penallti për Skënderbeun, pas prekjes së topit me dorë brenda zonës nga ana e Pusit.
11′ GOOOL VLLAZNIA 1-1/ Vendoset baraspesha në Shkodër, vendasit shënojnë me talantin Klajdi Halili, që nuk fal pas asistit të Delajt.
4′ GOOOL SKËNDERBEU 0-1/ Zhbllokohet sfida, korçarët kalojnë në avantazh. Gerco kroson nga e majta për Liçon që godet me kokë brenda zonës duke përshëndetur rrjetën.
1′ Starton sfida në “Loro Boriçi”
FORMACIONET ZYRTARE
VLLAZNIA (4-3-3): Jukaj; Brahimi, Beci, Pusi, Selmani; Hajdrari, Zaganjori, Delaj; Dodaj, Maliqi, Halili | Trajner: Tomas Brdariç
SKËNDERBEU: Alia, Prenci, Rabiu, Liço, Rashica, Nikaj, Gerço, Dumfur, Vangjeli, Juri, Xhantu | Trajner: Ivan Gvozdenoviç
