Nga dita e sotme 49 trupa të shërbimit zjarrfikës të Ministrisë së Mbrojtjes si dhe zjarrfikës të Korçës, Maliqit, Gjirokastrës dhe Dropullit janë bërë pjesë e Shërbimeve Zjarrfikëse në Greqi, për shuarjen e zjarreve. Burime të siguruara thanë se 49 trupat e shërbimit zjarrfikës të vendit tonë sëbashku me 9 mjetet zjarrfikëse janë perfshirë në operacionin në zonën Aleksandropoli, aty ku ka dhe shërbime të tjera të Bashkimit Europian.
Të njëjtat burime thanë se, zona është shumë e vështirë pasi siperfaqe të mëdha janë përfshirë nga vatra të shumta zjarri, të cilat të ndihmuara nga temperaturat shumë të larta përhapen me shpejtësi, duke e bërë të vështirë operacionin por jo të pamundur.
