Nisi në Korçë edicioni i parë i LUMINA Electronic, i cili pritet të kthehet në një nga festat muzikore më të rëndësishme të kalendarit veror, me synimin për të tërhequr sa më shumë vizitorë vendas e të huaj.
Spektakli më mahnitës i ndriçimit, projeksionit dhe tingujve të muzikës elektronike ka çelur siparin e edicionit të parë në Korçë, si një produkt i ri turistik që pritet të kthehet në një traditë të përvitshme.
Pjesë e këtij festivali në natën e parë kanë qënë DJ të njohur shqiptarë e të huaj që kanë elektrizuar atmosferën në Parkun “Rinia”.
Të tjera surpriza pritet të sjellë edhe nata e dytë e LUMINA Electronic që ka për qëllim të tërheqë vizitorë dhe adhurues të kësaj muzike nga brenda dhe jashtë Shqipërisë.
