Një konflikt familjar ka përfunduar me dy persona në pranga në qytetin e Maliqit.
Sipas njoftimit të Drejtorisë Vendore të Policisë Korçë, shërbimet e Komisariatit të Maliqit arrestuan në flagrancë shtetasit G. Xh., 36 vjeç, dhe M. A., 41 vjeç.
Hetimet paraprake tregojnë se 36-vjeçari ka ushtruar dhunë ndaj bashkëshortes së tij, ndërsa 41-vjeçari, i cili është daja i gruas, ka ndërhyrë duke goditur dhëndrin.
Të dy përfunduan të shoqëruar në komisariat dhe po përballen me akuzat për dhunë në marrëdhënie familjare.
Burime nga policia bëjnë me dije se vetëm gjatë këtij viti, në zonën e juglindjes janë regjistruar dhjetëra raste të ngjashme të dhunës në familje, duke e kthyer këtë fenomen në një shqetësim serioz për komunitetin.
