Enët e mbushura dhe depozitat në oborret e shtëpisë janë dëshmi e mungesës së ujit.
Banorët e fshatit Zëmblak në Maliq, prej vitesh nuk kanë ujë të mjaftueshëm në shtëpitë e tyre. Ata furnizohen me ujë deri më pak se 2 orë në ditë, ndërsa në shumë raste është edhe i ndotur.
“Me orar dhe ai që vjen, vjen i turbullt, nuk pihet e përdorim vetëm për t’u larë. Edhe për të larë me kapaçkë si në kohën e Enverit” tha një banor.
Kërkesat drejtuar bashkisë nuk kanë gjetur zgjidhje për shqetësimet e tyre edhe pse kanë qenë të vazhdueshme, ndërsa premtimi për furnizim me ujë është bërë në çdo fushatë elektorale.
Burime për Kolibri.al konfirmojnë se së fundmi ka nisur të shpohet një pus me anë të të cilit synohet të furnziohen banorët e gjithë fshatit.
