Një 55 vjeçar ka ndërruar jetë në Maliq. Dyshohet se është asfiksuar në një hotel ku po qëndronte në qytetin e Maliqit.
Sipas burimeve dyshohet të ketë patur rrjedhje gazi në dhomë e për këtë arsye ka pësuar asfiksim. Nuk ka ende të dhëna nëse është turist vendas apo i huaj, pritet të zbardhen informacione të tjera në vijim. 55 vjeçari u transportua në morgun e Korçës.
Nga ana tjetër policia ka filluar hetimet mbi rastin.
Njoftimi i policisë;
Maliq/Informacion paraprak
Mëngjesin e sotëm, në një hotel në qytetin e Maliqit, dyshohet se për shkak të rrjedhjes të gazit nga bombola për ngrohjen e dhomës ku ishin akomoduar, janë asfiksuar shtetasi B. T., 56 vjeç dhe shtetasja E. N., 49 vjeçe, banues në Tiranë. Të dy shtetasit u dërguan për ndihmë mjekësore, në spitalin e Korçës, ku 56-vjeçari ka humbur jetën, ndërsa shtetasja E. N. ndodhet jashtë rrezikut për jetën.
Grupi hetimor po punon për sqarimin e rrethanave të ngjarjes.
