Në kuadër të Ditës së “Krijimit të MZSH Shqiptare”, Bashkia Maliq ka vlerësuar punën dhe përkushtimin e trupës së Shërbimit të Mbrojtjes nga Zjarri dhe Shpëtimit, e cila prej vitesh renditet ndër më të mirat në nivel qarku dhe më gjerë.
Trupa zjarrfikëse e Bashkisë Maliq njihet për profesionalizmin dhe efikasitetin e saj, duke shënuar rezultate të larta jo vetëm në ndërhyrjet brenda territorit të bashkisë, por edhe në misione të specializuara jashtë vendit, ku ka përfaqësuar denjësisht Shqipërinë.
Autoritetet lokale shprehën mirënjohjen për angazhimin e vazhdueshëm të efektivëve, duke vlerësuar kontributin, sakrificat dhe gatishmërinë e tyre në çdo situatë emergjente.
“Falenderim për të gjithë ju, për punën dhe përkushtimin që tregoni çdo ditë. Jeni ndër më të mirët,” u shpreh kryetari i Bashkisë Maliq, duke nënvizuar rëndësinë e rolit që ka shërbimi zjarrfikës në sigurinë e komunitetit.
