Manastirliu: “Ndërhyrje dhe lente falas për të moshuarit edhe në spitalin e Korçës!”
Spitali Rajonal i Korçës ka kryer me sukses ndërhyrjet në sy dhe vendosjen e lenteve falas për të moshuarit.
Ministrja e Shëndetësisë dhe Mbrojtjes Sociale, Ogerta Manastirliu tha sot se mbi 13 mijë paketa të kataraktës janë kryer për pacientët që nga viti 2019, kur kjo paketë e plotë nisi të ofrohej falas në spitalet publike.
Manastirliu përgëzoi për punën e bërë stafin e Spitalit të Korçës me dr. Eugen Dautllari, dr. Agron Kuro dhe infermieret Daena Lubonja dhe Emila Isaku.
Së fundmi, ministrja e Shëndetësisë ka vlerësuar drejtorin e spitalit rajonal të Korçës Litjan Broka, duke e cilësuar si një nga njerëzit që ka bërë forma të mëdha në spitalin juglindor, të arritura me sukses.
Pas Qendrës Spitalore Universitare “Nënë Tereza”, Spitalit të Elbasanit, Durrësit, Fierit dhe Vlorës edhe Spitali i Rajonal i Korçës po kryen ndërhyrje në sy dhe vendosje të lenteve falas për të moshuarit.
