Kam ndihmuar qytetarët, zbardhet dëshmia e korçarit të arestuar me akuzën për mashtrim me vizat amerikane.
Zbardhet dëshmia e korçarit Renato Nasto, i cili akuzohet se përmes mashtrimit arrinte të pajiste shqiptarët me viza amerikane.
‘Nuk kam kryer asnjë shkelje të ligjit, kam ndihmuar qytetarët që të bënin aplikimin për vizë, ata të cilët nuk kishin mundësi ti bënin vetë, me vlerë 100-150 euro. Nuk janë të vërteta pretendimet e prokurorisë. Aktualisht punoj edhe si taksist për të rritur të ardhurat e mia’ ka thënë Nasto.
Të tjerët, sipas raportimeve mediatile, kanë kërkuar ndjesë. Burime bëjnë me dije se në seancë, organi i akuzës ka pretenduar se me metoda speciale, përmes stimulimit, 30-vjeçari Nasto, për vizën kërkonte 10 mijë euro.
Në rast se ata nuk i kishin lekët, lidhte një kontatë me ta që pagesën ta bënin më vonë, duke pretenduar që ia kishin paratë borxh. Avokatët kundërshtuan prokurorinë duke pretenduar se të tjerët kanë qenë viktima.
Gjykata është tërhequr në dhomë këshillimi për vendim. Prokuroria ka kërkuar “arrest në burg” për Renato Naston, Klaudio Leçinin, Klaus Kapedanin dhe Xhemal Seserin, ndërsa për vajzën Klea Prifti, organi i akuzës ka kërkuar “arrest në shtëpi”.
