Gjykata e Posaçme ka caktuar datën 13 gusht, ora 10:00, për të shqyrtuar kërkesën e ish-presidentit Ilir Meta për heqjen e masës së sigurisë “arrest në burg”.
Seanca do të zhvillohet para gjyqtarit Erion Çela, pasi gjyqtari paraprak Erion Bani shpalli moskompetencën për gjykimin e kësaj çështjeje.
Meta, përmes avokatit të tij, ka kërkuar që shqyrtimi të bëhet nga gjyqtari i çështjes dhe në prani të një prej prokurorëve të dosjes, duke ngritur pretendime për shkelje të procedurës së rregullt ligjore.
Vendimi i GJKKO pritet me interes, pasi lidhet me masën më të rëndë të sigurisë të dhënë ndonjëherë ndaj një ish-kreu shteti në Shqipëri.
