Zyrtarizohen 3 kandidaturat që do të garojnë në zgjedhjet e 26 Majit për kryetar të Degës së Partisë Demokratike të Korçës
Bëhet fjalë për ish deputeten, e pedagogen Eleina Qirici e cila e ka shpallur edhe publikisht gati një muaj më parë, një tjetër kandidat për kryetar është Dhimitri Çyfeku, një nga anëtarët më të vjetër të Partisë Demokratike me një kontribut të gjatë në këtë forcë politike. Aktualisht ai ka dhënë dorëheqjen si kryetar i komanduar i PD për shkak të kandidimit për këtë post. Kandidatura e tretë është ajo e Harito Zoto, një i ri demokrat i diplomuar për ekonomi, i cili gjatë viteve ka pasur edhe disa detyra drejtuese në strukturat e kësaj force politike.
Të njëjtat burime bëjnë të ditur se të tre kandidaturat janë dërguar për tu shqyrtuar e miratuar në kryesi dhe ditën e sotme kanë marrë miratimin për të qenë pjesë e procesit. Kyy proces zgjedhor kryhet në kushte pas dorëheqjes së kryetarit të mëparshëm Devis Osmani.
