Këtë pyetje bëri dikush sot në një nga TV e mëdha në Shqipëri. Me mire gay, sesa i perdhunuar nga grekërit dhe tradhtar i kombit shqiptar e i paguar nga konjukturat greke?Ajo çka ndodhi dje ishte se një tv kombëtar “përdhunon” (me apo pa pagesë nga dikush tjetër pak rëndësi ka) për orientimin e tij seksual dhe na shet moral se si duhet rregulluar shoqëria shqiptare.
Për ta bërë të qartë, një prift dhe një klerik fetar kurrsesi nuk duhet të jetojë diçka tjetër nga ajo çka predikon.
Nga ana tjetër çdokush mund të jetojë jetën e tij private në mënyrën që do dhe nuk duhet të paragjykohet e aq më tepër të sulmohet në televizion për zgjedhjet personale.
Sot kur Shqipëria apo shoqëria jonë ka një mijë e një probleme, kur familja rrezikohet frikshëm dhe kur shumica e atyre që shesin moral mbi familjen dhe shoqërinë, paguhen dhe krijojnë rrugë për denigrimin e shoqërisë, janë po këta që shfrytëzojnë rastin më të parë për të marrë benefitet. Prifti i Elbasanit nuk u “përdhunua” për bindjen e tij seksuale, që ende nuk dihet saktësisht cila është. Jo jo, ai po tentohet të denigrohet sepse ai i doli kundër disa rrymave që e kanë pushtuar këtë vend me djallëzi dhe e përdorin shoqërinë dhe Shqipërinë sipas pozicionit që duan në forma kanibale të kamasutrës.
Ta vrasim At Xhufkën sepse është nacionalist, na shan kishën greke, serbe dhe ruse, po po ta zhdukim nga faqja e dheut se po turbullon ujrat, sepse do Fan Nolin dhe çso rilindjas tjetër, sepse nuk do që të jashtëmit të “bëjnë” Shqipërinë. Pikërisht këta tl jashtë që kanë sakatuar historinë, shoqërinë por edhe besimin fetar në vendin tonë. Ju nuk e dini, por sa e sa biznese kanë rrymat e sipërcituara këtu dhe sa para arkëtojnë, nuk ua merr mendja, madje prodhojnë edhe energji elektrike.
Por cila është mënyra ta heqim qafe këtë pseudo prift menduan, ja e bëjmë gay, e si gay e shpallim heretik dhe e varim në mes të sheshit. I biem dhe me gurë, që ti japim mësim çdo palo prifti apo kujtdo kleriku që guxon të na dalë kundër, i themi që kështu do përfundosh.
Duket se djalli nuk është nën tokë, është këtu mes nes, e më e keqja është se djalli janë ata që na predikokan ëngjëjt dhe parajsën, po po, ata, nuk duan as kundërshtarë bile, nëse del dikush si Xhufka e djegin në turrën e druve, siç po tentojnë.
Fundja, a nuk është më mirë të jesh një “gay” shqiptar, siç po e shesin Xhufkën, sesa një gay grek i cili vjen në Shqipëri i paguar dhe është tradhtar i kombit? Ju gjykojeni këtë punë, mendoni edhe pak më shumë, mendoni mbi rastin, se si krejt rastësisht një klerik që ka frikë zotin, ferrin del se është “gay”. Diçka tjetër fshihet pas kësaj, më e errët se dhomat dhe skutat e errta të besimeve dhe klerikëve të shitur tek greku, për të blerë shoqërinë shqiptare.
