10% më tepër maturantë se viti i kaluar kanë kërkuar të regjistrohen në universitetin e Korçës, duke dhënë sinjale të mira për këtë institucion arsimor në këtë fazë fazë të parë të aplikimeve.
Këtë e bën me dije zv rektori i universitetit të Korçës, i cili tregon se do të ketë përmirësim në numrin e studentëve në Korçë. Artur Adili, Zv rektor i Universitetit “Fan Noli” Korçë”, kemi rritje afërisht 10% nga viti i kaluar për numrin e maturantëve që kanë aplikuar në programet e studimit në universitetin” Fan Noli “.
Kjo shifër mund të quhet pak më e lartë duke marrë parasysh edhe uljen e popullsisë në qark vit pas viti, gjithsesi kjo është një shenjë e mirë. Në datën 29 Gusht fillon faza e parë e regjistrimeve, jemi optimistë, jemi në kontakt dhe me drejtuesit të shkollave të mesme dhe sinjalet janë të mira.
“Programet prioritare kanë pasur më tepër interesim nga maturantët, ku ndihma ekonomike që qeveria shqiptare do të alokojë për ta duket sa ka ndikuar.
“Ka ndikuar shumë pozitivisht në qoftë se ne rang universiteti është më tepër se 10% më i lartë se vitin e kaluar, në programet e mësuesisë është shtuar afro 30% interesimi i aplikimeve. Kjo gjë ka ndikuar pozitivisht, diku në 30% më tepër aplikime. Kjo ka një të mirë në cilësi sepse në këto programe do vijnë maturantë me mesatare shumë të mirë dhe do diplomohen studentë të mirë që vijnë ma baza të shëndosha nga gjimnazi”.
Teksa në Shqipëri burimet bëjnë me dije se aplikimet për mjekësi të përgjithshme kanë rënë me 40%, në Korçë dega e infiermeri – mamisë vazhdon të ketë interesim të lartë.
“Ne kemi 75 kuota për infiermeri të përgjithshme dhe 30 kuota për degën mami. Së bashku janë 105 kuota, por këto vitet e fundit ka më tepër interes, aplikojnë me tepër, ata që regjistrohen numri është i njëjtë. Interesimi i lartë bën që studentët të jenë më mesatare shumë të mirë”.
Në datën 29 Gusht nis raundi i parë i regjistrimeve ndërkohë që universiteti i Korçës duket se po largohet nga momentet e vështira që po kalonte me pare
