17-vjeç e një ditë, Lamine Yamal është adoleshenti që ka bërë botën të dashurohet mbas futbollit të tij në këtë kampionat Europian.
Ai vendosi një rekord të ri këtë turne, duke u bërë lojtari me moshën më të re që shënon në një kampionat Europian.
Por mosha përveç avantazheve të mëdha që i jep kombëtares spanjolle edhe e penalizon atë, dhe shkak janë ligjet gjermane.
Prestigjozja britanike “The Sun” shkruan se sipas ligjeve gjermane asnjë i ri nën 18-vjeç nuk mund të punojë të dielave pas orës 23:00, në rast të kundërt punëdhënësi do të duhet të paguajë një gjobë deri në 30 mijë euro.
Në kët rast britanikët shpresojnë që në rast se Angli-Spanjë do të shkojë pas orës 23:00, iberikët të ulin në stol talentin e tyre dhe të kursejnë 30 mijë euro.
