Dje ishte 92 vjetori i lindjes së shkrimtarit të madh të Menkulasit, Dritëro Agolli.
Bashkia e Devollit organizoi aktivitet për të përkujtuar atë. Aktiviteti u zhvillua në fshatin Menkulas, aty ku edhe Dritëroi lindi dhe u rrit.
Në veprat e tij, pena e Dritëroit ishte e bukur, e thjeshtë dhe lehtësisht e kuptueshme. Ai herë-herë bëhej protagonist në shkrimet e tij, duke e vënë veten e tij në rolin e fshatarit, bariut, bujkut, studentit dhe malësorit.
Ai i shkroi atdheut, tokës dhe dashurisë, filozofisë dhe dhimbjes njerëzore.
Vepra letrare e tij na bën të ndihemi dinjitozë përballë botës së madhe.
Përveç letërsisë, Dritëroi u morr edhe me politikë, ku me thjeshtësinë dhe mençurinë e tij, me mendimin e kualifikuar dhe të pavarur, ishte një zë i papërsëritshëm.
I paharruar qoftë Dritëro Agolli, “Nderi i kombit” tonë!
