Mihallaq Andrea është absolutisht ikona e muzikës korçare.
Artisti me më tepër se 500 këngë të tijat në repertor, sot është shembull për artistët e tjerë por edhe për mënyrën e të kënduarit serenatën, të vjetër hera herës dhe të sjellë moderne me kalimin e kohës.
Pëlqyeshmeria e tij kuptohet nga koncerti i fundit i mbajtur në nder të tij para një muaji, ku salla e teatrit “Andon Zako Çajupi” ishte e pamjaftueshme për të mbajtur spektatorët që dëshironin të dëgjonin zëëmblin Mihallaq Andrea.
Në atë karrige fatkeqe, Mihallaq Andrea diti të kthejë dhimbjen në frymëzim, duke mos e shkëputur kitarën dhe melodite nga dora e tij, për të qenë sot një nga këngëtarët më të njohur shqiptarë, por edhe një krenari e qytetit të Korçës.
“Ta dish ti ç’pësoj kjo zemër“, “Binte shiu“, “A te kujtohet ajo natë“, “A e mban mend kitarë e dashur” e dhjetra serenata të tjera të prodhuara nga shpirti artist do të vazhdojnë të këndohen në tryezat korçare brez pas brezi.
