Ministri i Shtetit për çështjet e Pushtetit Vendor Arbjan Mazniku i shoqëruar edhe nga Ministri i Mbrojtjes Niko Peleshi zhvilloi një takim me kryetarin e Bashkisë Pogradec Ilir Xhakolli. Fokusi i këtij takimi ishte paraqitja e problematikave dhe kërkesave të pushtetit vendor, një tur takimesh që ka nisur me të gjitha bashkitë e vendit për ti futur ato më pas në rrugën e zgjidhjes.
Në takim Xhakolli renditi si emergjente tre çështje si heqja e fashës për nivelin e pagave, ndihmë konkrete për borxhin publik dhe financimin e projektit për 3 akset e Mokrës e cila do ti hapë rrugë zhvillimit të agroturizmit. Sipas Xhakollit Pogradeci është një model mbi mënyrën se si po zhvillohet turizmi me intestit por për kët duhet edhe më shumë mbështetje nga qeveria për infrastrukturën rrugore dhe shtrirjen e turizmit drejt Mokrës, Xhakolli shtoi se ka bindjen që me projektin “Rrugët e Bardha” që Qeveria do të zbatojë do të marrë mbështetjen e duhur.
Xhakolli gjithashtu shpalosi edhe një sërë projektesh të tjera të cilat kjo bashki do të zbatojë në vijimësi. Teksa u informua mbi situatën e bashikisë, pastrimit, pyjeve, infrastrukturës etj, në fund të takimit Ministri Mazniku kërkoi që të gjitha problematikat, kërkesat, projektet të listohen dhe të paraqiten zyrtarisht pranë kësaj Ministrie, e cila fokus të veçantë do ti kushtijë fashës së pagave, borxhit publik apo edhe territorit si zonë e mbrojtur.
Ky tur takimesh që po zhvillohet nga Ministri Arbjan Mazniku ka në fokus intesitimimi i marrdhënevie mes pushtetit lokal dhe atij qëndror.
