Ditën e djeshme Qafa e Llogorasë është përfshirë nga flakët e zjarrit dhe izolimi i tyre ka qenë tejet i vështirë.
Bashkëpunimi i forcave zjarrfikëse, forcave të armatosura dhe administrata e zonave të mbrojtura kanë bërë që mëngjesin e sotëm të izolojnë vatrën e zjarrit.
Ministri Niko Peleshi ka reaguar mbi këtë situatë ku shprehet se kushdo që ka pasur dorë në zjarrvënien duke dëmtuar pasuritë tona kombëtare do të përballet me ligjin.
Statusi i tij;
Vatra e zjarrit në Qafën e Llogarasë është të shuhet, pas përpjekjeve të përbashkëta të forcave zjarrfikëse, Forcave të Armatosura, Administrata e Zonave të Mbrojtura, nën koordinimin e Agjencisë së Mbrojtjes Civile.
Mbi 40 efektivë të tjerë nga #FA iu bashkuan aksionit në orët e para të mëngjesit dhe po bëjnë krehjen e zonës, për izolimin përfundimtar të vatrës.
Një thirrje për të gjithë ata banorë, që me veprimet e tyre vënë në rrezik pasurinë kombëtare: Do të përballen më ligjin, i cili është i qartë dhe i rreptë për piromanët!
