Një 37 vjeçar nga fshati Miras i Devollit po ndiqet penalisht në gjendje të lirë, pasi u konstatua duke transportuar një sasi drush zjarri në mjetin e tij, në mënyrë të paligjshme.
Njoftimi i policisë;
DVP Korçë/Procedohen në gjendje të lirë 1 shtetas, për vepra të ndryshme penale
-Specialistët për Hetimin e Krimeve të Komisariatit të Policisë Korçë referuan materialet në Prokurori ku filloi procedimi në gjendje të lirë për shtetasin B. D., 37 vjeç, banues në fshatin Miras, Devoll, pasi në rrugën “Boboshticë-Dardhë”, u konstatua duke transportuar me automjetin tip “Benz”, sasi drush zjarri të prera në mënyrë të paligjshme, që u sekuestruan në cilësinë e provës materiale, së bashku me automjetin.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
