Rreth 2 mijë familje në 12 fshatra të njësisë administrative Proptisht, në Mokrën e Poshtme, prej më shumë se 12 orësh janë në terr. Mes temperaturave të ulëta dhe ngricave, mijëra banorë nuk kanë energji elektrike për të gatuar apo për t’u ngrohur.
Sipas të dhënave, 12 fshatrat e kësaj njësie furnizohen nga fidri i Prrenjasit, që është nën varësinë e OSHEE Librazhd. Autoritetet lokale thonë se kanë komunikuar vazhdimisht me punonjësit e OSHEE Librazhd, të cilët deklarojnë se po punojnë për zgjidhjen e situatës. Megjithatë, edhe pas 12 orësh nga momenti i defektit, ende nuk ka një zgjidhje konkrete.
Ndërkohë, teksa temperaturat janë disa gradë nën zero dhe nata është e gjatë, rreth 2 mijë familje në Proptisht mbeten në terr, duke pritur që Librazhdi të sigurojë rikthimin e energjisë elektrike.
