Qendra e njësisë administrative Velçan do të ketë një pamje të re. Bashkia e Pogradecit ka zgjedhur të investojë në zonë duke hequr godinën e shkollës së vjetër për ta kthyer në një hapsirë çlodhëse dhe sportive për fëmijët dhe pensionistët e këtij fshati të madh në Mokër.
Prej vitesh zona ishte kthyer në një gangrenë të rrezikshme sidomos për fëmijët dhe tashmë me këtë investim do ti jepet një pamje e re.
Njoftimi i bashkisë Pogradec
Velçani me qendër të re!
Godinën e shkollës së vjetër të Velçanit e cila ishte prej shumë vitesh jashtë funksioni dhe e rrezikshme, e prishëm dhe po ndërtojmë një qendër të re për banorët e Velçanit.
○Një fushë sportive për të rinjtë
○Hapsirë dhe kënd lojrash për fëmijët
○Hapsirë shplodhëse për pensionistët
○Paralelisht do të ndërhyjmë edhe në Qendrën Shëndetësore në Bishnicë
Në përfundim do ti kemi dhënë kësaj zone të fshatit një pamje të re dhe me kushte bashkëkohore ashtu si e meriton.