Mes valleve, këngëve, ushqimeve tradicionale, performancave nga artistë të njohur, nën malin e Kozicit është mbajtur për të 5-tin vit radhazi Mokra n’Fest, një festë e cila bën bashkë banorët e zonës e më tepër, rikthen ata të cilët kanë emigruar por e vizitorë vendas e të huaj.
Aktiviteti që ka udhëtuar në fshatra të ndryshëm të krahinës së njohur këtë vit ndalesën e pati në Potkozhan, fshat i cili sipas historianit Ledjan Zeqollari ka nxjerrë figura të shquara, për të cilët është mbajtur edhe një ekspozitë e veçantë
Një nga figurat më të njohura të këtij fshati është Maro Mokra, siç njihet nga banorët e zonës,” Gruaja e Hekurt e Mokrës “. E mbesa e saj tregon dashurinë që patriotja kishte për zonën e Mokrës
Fshati është i njohur edhe për gatimet tradicionale BIO, të cilat janë të shumëllojta
Pjesë e festës kanë qenë e turistë të huaj, të cilët shprehen të mahnitur me mikpritjen e banorëve
“Unë vij nga Amerika. Unë e dua Pogradecin dhe këtë zonë. Me pëlqen shumë mikpritja, vallet, dola të ble disa gjëra. Nuk kam qenë kurrë më parë këtu por do vij përsëri. Është shumë bukur”
Mokra n’Fest është festa e cila më tepër sesa vallet e këngët kërkon të promovojë zonën kaq shumë të njohur dhe “thërrasë” për vëmendje të institucioneve qendrore ndaj kësaj zone
