Motra e Egli Progës, i cili u vra në një ngjarje të rëndë në Pogradec, ka publikuar një letër të hapur drejtuar Ministrit të Brendshëm, Ervin Hoxha. Ajo e akuzon atë dhe institucionet që drejton për shtrembërim të ngjarjes, fshehje provash dhe mosveprim ndaj një bande kriminale që dyshohet të ketë lidhje me persona me influencë.
Në letrën e saj, ajo thekson se Policia e Shtetit dështoi në kapjen në flagrancë të autorëve të dyshuar dhe shton se provat u zhdukën me qëllim të manipulimit të ngjarjes. Sipas saj, autorët e vrasjes, Denis Meçe, Arjan Manellari, Leonidha Guçe dhe Voltan Shkulaku, u lanë të lirë të largoheshin nga vendi i ngjarjes dhe u dorëzuan vetëm pas ndërhyrjes së njerëzve të lidhur politikisht.
Ajo akuzon Ministrin Hoxha për tentativë të ndikimit të paligjshëm në hetimet dhe kërkon kthesë ligjore nga ana e tij, duke paralajmëruar se do të vijojë betejën për drejtësi. Në fund, motra e viktimës i drejton një pyetje personale Ministrit: “Çfarë do të bëje ti, nëse një njeri i dashur për ty do të masakrohej dhe autorët do të liheshin të iknin pa u kapur nga Policia?”
Deklaratat e saj kanë ngritur shumë pikëpyetje mbi trajtimin e çështjes nga autoritetet dhe veprimet e Policisë së Shtetit në këtë rast.
Letra e Jonida Progës;
Dy fjalë për Ministrin e Brendshëm
Ti, Ervin Hoxha, që përdhos “ngjarjen e Pogradecit” bashkë me vëllanë tim, lexo dy fjalë nga
motra e Egli Progës, që vajton çdo ditë për të. Që kërkon drejtësi!
Ti, Ervin Hoxha, ministër me ofiqe shteti s’mund të
tallesh me vëllanë tim nën dhe, sikur ai nuk u vra nga një bandë kriminelësh, sikur Egli nuk u
masakrua nga një bandë gjobëvënësish, nga një bandë me lidhje në polici, nga disa banditë me
lidhje në drejtësi, me njerëz deri lart në qeveri.
Policia jote dhe e Rrumbullakut përdhosi kujtimin e vëllait tim në gusht, kur shtrembëroi dhe
fshehu faktet. Ti, me paturpësi të pajustifikueshme, shkruan dhe e bën përsëri sot.
Policia jote nuk i kapi kriminelët Denis Meçe, Arjan Manellari, Leonidha Guçe dhe Voltan
Shkulaku kur masakruan vëllanë tim. I la të lirë të iknin.
Policia jote nuk izoloi vendin e ngjarjes, por i la që provat të pastroheshin dhe zhdukeshin
bashkë me to edhe autorët deri pas mesnate, kur u dorëzuan vetë me negociatorë ‘nga lart’.
Policia jote nuk e gjeti maskarain Denis Meçe derisa atij i doli gjumi dhe e dorëzoi në polici daja
i tij, maskarai tjetër me lidhje politike. Valter Gora quhet, a e njeh?
Policia jote (të paktën njëri inspektor policie) e Pogradecit është e akuzuar nga prokuroria për atë
që ti e quan “dallgë e madhe dezinformimi”. Unë do akuzoj më shumë se një polic, shumë shpejt.
Policia jote dështoi në mënyrë të turpshme për kapjen në flagrancë të kriminelëve kur kjo u pa
live në TV (si iku me makinën e krimit në sy të policëve Arjan Manellari?), ndërsa ti tentove
atëherë dhe vazhdon sot të njëjtin avaz mashtrimi.
A mos po tenton të ushtrosh ndikim të paligjshëm me këtë deklaratë ndaj atyre që po bëjnë
hetimin ti, Ervin Hoxha?
Një vrasje që ndodhi në sy të Policisë që ti mbron, është një vrasje që të implikon ty nëse nuk
bën kthesë ligjore për të bashkëpunuar me prokurorinë dhe nuk bën kthesë publike për t’i
kërkuar falje të gjithëve për këtë dezinformim të poshtër. Ata ishin një bandë gjobëvënësish që
pogradecarët kanë frikë të tregojnë vetëm se ti dhe shokët e tu i mbroni me këto deklarata të
ngrohta për ata.
Ty dhe Rrumbullakut që mendon se shpëtoi nga deklarata e datës 14 gusht, duke ikur fare nga
Policia, ju siguroj se të gjithë ata që vranë vëllanë tim, katër janë në burg dhe të gjithë të tjerët që
ndihmuan në vrasjen e tij me fshehjen e provave dhe që e dhunuan kujtimin e tij pas vdekjes, nuk
do kenë paqe për sa kohë unë jam e gjallë.
Në fund, kam një pyetje për ty si njeri e jo si ministër. Nëse një njeri shumë i dashur, do të masakrohej në një lokal nga katër banditë, çfarë do bëje, nëse ata nuk do kapeshin
nga Policia, por do liheshin të iknin live nga vendi i krimit?
Nëse ti nuk vendos të përgjigjesh, do të përgjigjem unë pa vonesë ligjërisht.
Bëje lajm dhe më jep titull
