Piktori i merituar pogradecar Anastas Kostandini ka realizuar në fasadën qendrore të bashkisë së Pogradecit një mozaik të cilin e ka titulluar “Iliria”. Mozaik i cili përfaqëson historinë 2500 vjeçare ilire në Selcën e Poshtëme aty ku janë të vendosur varret e mbretërve ilire dhe ku është gjetur edhe pafta e krijuar tashmë në mozaik.
Piktori i veprave monumentale Anastas Kostandini tha se ka studiuar fort të gjitha veprat e Mitrush Kutelit ashtu siç ka studiuar të gjithë periudhën e Ilirisë, duke filluar me varret e Selcës si dhe periudhën e Enkelejve.
Për kryetarin e bashkisë Ilir Xhakolli realizimi i një mozaiku të tillë është një nga veprat e cila i munginte qytetit dhe turizmit i cili tasgmë i bën jehonë një prej periudhave me historike më të hershme të “Pelionit Ilir”
Anastas Kostandini ka qenë pjesë e realizimit edhe me autorë të tjere i mozaikut në Muzeut Kombëtar në kryeqytet, ndërsa ky është mozaiku i parë që realizon për qytetin e Pogradecit.
