Juglindja ende nuk e ka një paketë turistike të përbashkët, edhe pse vitet e fundit janë bërë përpjekje të vazhdueshme për të krijuar një të tillë.
Në takimin e komitetit rajonal të turizmit të mbajtur në Lin të Pogradecit aktorët kryesorë të institucioneve të pushtetit lokal dhe jo vetëm kanë diskutuar problematikat dhe përgatitjen e të 6 bashkive për sezonin turistik.
Sipas tyre, një paketë e përbashkët turistike do të shtonte numrin e ditëve të qëndrimit për turistët e nga ana tjetër do të jepte shtysë promovimit të gjithë rajonit juglindor.
“Me këtë po punojmë, kemi dy vite që po punojmë, janë pjesë burokratike që e kanë ndaluar, ne po pjmojm dhe me Ohrin e Strugen që i gjithë ky pellg të ketë një paketë të përbashkët turistike dhe për ti mbajtur sa më gjatë në rajonin tonë” – Ilir Xhakolli, Kryetar i Bashkisë Pogradec
“Detyra e bashkive eshte të hartojnë politika, paketat i harton agjencitë turistike, ata që i shesin tek klientët. Politikat e bashkisë së Korçës jemi në një nga 4 bashkitë e mëdha që mbështetemi turism for albania dhe jemi e vetmja që përfitimin e kemi kërkuar rajonale, logon, programi, plani i veprimit deri në sajtet e promovimit rajonal. Ne po punojmë për një album të parbashkët”, – tha ndër të tjera Benila Themeli, Nënkryetare e bashkisë Korçë.
“Është diskutim i shëndetshëm që meriton të marrë vëmendjen e duhur. Nqs deri pak vitesh ka qenë që bashkia e privatizonte turizmin, sot duhet rajonalizuar. Secila bashki duhet të ketë rol proaktiv për të promovuar edhe territoret e bashkive fqinje, në kuadër të një përpjekje të aktiviteteve të përbashkëta, por më zëra buxhetore që i shkojnë linjës së zhvillimit të rajonit. Është koha që këtë zhvillim ta shohim jo tek një bashki por si paketë si qarkun tonë,”– tha prefekti i Qarkut Korçë, Nertil Jole.
Në qoftë se burokracitë kanë ndaluar krijimin e një pakete të përbashkët turistike, guidat turistike janë një hap më parë, duke e vendosur në punë paketën rajonale turistike.
“Ne e kemi gati si guida. Janë krijuar tur operatoret e parë për të promovuar rajonin. Një paketë rajonale do sillte me tepër turistë dhe me tepër kohë të qëndrimit të tyre. Me tepër kohë në Korçë, Kolonjë, Pustec, Devoll Pogradec e me radhë. Jemi në fazat e para, prespektiva dhe e ardhmja është drejt një paketë rajonale qe do të ketë numër më të madh turistësh. Institucionet janë të ngadaltë janë burokrate, tregu dhe vrulli nuk e pret, e bën biznesi dhe shoqëria civile” – u shpreh Eriseld Kalemaj nga “Korça Alpin”.
Qarku i Korçës vitin e kaluar mirëpriti afro 1 milion turistë, numër që pritet të jetë më i lartë këtë vit
