Një 50 vjeçar nga Pojani është shpallur në kërkim pasi dyshohet se ka vjedhur në shtëpinë e vjehrrit të tij disa sende me vlerë. Përvçe kësaj i padituri ka dhunuar psikologjikisht edhe bashkëshorten e tij.
Njoftimi i Policisë;
DVP Korçë/Shapllet në kërkim një shtetas për veprën penale të vjedhjes dhe dhunës në familje
-Specialistët për Hetimin e Krimeve të Komisariatit të Policisë Maliq referuan materialet në Prokurori dhe shpallën në kërkim shtetasin Z. Z., 50 vjeç, banues në fshatin Pojan, Maliq, pasi dyshohet se ka vjedhur disa sende në banesën e vjehrrit të tij. Në vijim të veprimeve të kryera në lidhje me këtë rast, u pajis me urdhër mbrojtjeje bashkëshortja e shtetasit Z. Z., pasi dyshohet 50-vjeçari ka ushtruar dhunë psikologjike ndaj saj.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
