Brenda pak muajsh institucioni i vuajtjes së dënimit i ndërtuar në Pojskë të Pogradecit ndryshon mënyrën e funksionimit.
Në fillim edhe nga Ministria e Drejtësisë por edhe Ministri Ulsi Manja u tha se ky burg do të shërbente si institucion i vuajtjes së dënimit për pleqtë, por tashmë ka ndryshuar sërish. Burgu i Pojskës do të shërbejë të paktën për 2 vitet e ardhshme si burg për gratë mëson kolibri.al.
Ende nuk është e qartë se të dënuarat e cilit burg të vendit do të transferohet aty por vendimi është marrë tashmë që do jetë burg për gra. Nga ana tjetër kjo do të thotë se më shumë se gjysma e gardianëve në këtë burg duhet të jenë femra dhe burimet flasin se pritet të hapen aplikime punësimi për këtë gjë.
Nga ana tjetër me hapjen e tij si burg për gra pritet të zëvendësohet edhe emri i drejtuesit, pasi i emëruar aty është Durim Toska dhe sigurisht që drejtuesi i ri do të jetë grua.
