Një 57 vjeçare në Korçë ra në prangat e policisë pasi pas hetimeve rezultonte një “gjyshe trafikante” ajo shiste lëndë narkotike në lokalin e saj pranë shkollave.
Nuk e di saktësisht nëse është gjyshe apo jo, por ajo ka moshën e gjysheve të reja. Duket se koha tashmë ka ndalur, ndjenja e gjyshes apo mëmësisë nuk po gjen vend në në radhët e shoqërisë.
Ju e mbani mend besoj, të gjithë, gratë e kësaj moshe vite më parë njiheshin si nikoqire shtëpie që gatuajnë byrek e të jepnin karamele apo bonbone, e ndërsa sot na servirin vaj kanabisi, boçe, krak etj. Sot fëmijëve nuk u jepen më ëmbëlsira, por po u shitet drogë.
Në shtëpinë e kësaj “gjyshes” policia gjeti shkop bejsbolli, peshore, kanabis nëpër vazo, shoqëria nuk po mbjell më lule që japin jetë, por po mbjell lule që marrin jetë si kanabisi.
Znj, ose gjyshe Elda kishte arritur deri atje saqë tua shesë këto lule fëmijëve, nipërve të saj pranë shkollave të Korçës. Po i mblidhte ata si zogj të vegjël për tiu mësuar se tashmë nuk është koha e librave, por koha se si të jenë “high” sa keq, ku po shkojmë?
Edhe pse lajmet muajve të fundit kanë qenë të shpeshta për drogën që shitet pranë shkollave, ajo që vret më shumë është indiferenca e shoqërisë, prindrit heshtin, ngrihen si robotë dhe të ikin sa më parë nga shpia, duket se kanabisi për fëmijët e tyre është modë. Asnjë reagim, pa folur për ojf-rat, apo pseudoaktivistët e shoqërisë civile! Ku jeni? Po shkruani ndonjë projekt si të ndaloni drogën në shkolla me siguri?
Jemi kthyer në robotë, fëmijë që bëhet high me drogë, prindër që zhysin kokën pas punës dhe parasë dhe ajo që nuk kish ndodhur deri më tani, gra në moshë që na servirin kanabis, përfundimisht jemi në situatë të thellë krize, shoqëria jonë nuk po ja del dot dhe po hesht për gjithçka.
