“Ne e kemi për turp të marrim nuse të rritura për fëmijët tanë” – kështu është shprehur Fidarie Kurti, gjyshja e 21 vjecarit Dritson.
Kurti, i arrestuar mbrëmë nga policia me akuzën e marrëdhënies seksuale me të mitur.
“Vajza ka një vit në shtëpinë tonë e martuar me dëshirën e saj të prindërve dhe policia e as prokuroria nuk janë interesuar për këtë martesë, ndaj ju lutem, lirojeni nipin sepse jetojmë në kushte shumë të vështira ekonomike” – shton ajo.
“Na lini rehat ne romëve” – është shprehur babai i 14 vjeçares, pasi kjo martesë është bërë me dëshirën e tyre dhe miratimin e familjarëve.
14 vjeçarja e mbytur në lot kërkon të lirohet bashkëshorti i saj për të rritur së bashku fëmijën e sapo ardhur në jetë.
21 vjeçari Dritson Kurti është arrestuar me iniciativën e policisë së Korçës dhe se shpejti pritet të dalë para gjykatës për masën e sigurisë
Familjarët e kanë të pamundur të kenë një avokat për shkak të kushteve shumë të vështira ekonomike
