Fotograf nën kostumin e zyrtarit/ Nënprefekti i Devollit Henrik Rusi tregon pasionin që e bën të nxjerë në pah bukuritë e zonës.
Me pasionin e fotografit të tërhequr veçmas nga peizazhi, por nën kostumin e zyrtarit, janë dy persona publikë në zonën e Korçës; Ardian Fezollari dhe Henrik Rusi.
I pari pogradecar, oficer i lartë policie, aktualisht shef i komisariatit në Kolonjë. I dyti Nënprefekt i Devollit.
Henrik Rusi poston herë pas here në rrjetet sociale fotot e realizuara prej tij. Ai shfaq shpirtin e tij artistik duke shkrepur aparatin fotografik duke fiksuar peizazhe, kryesisht nga zona e tij e Devollit.
Foto që të bëjnë të admirosh pasionin e Nënprefektit të Devollit, për realizimin e goditur. Korça Report që ka publikuar disa foto peizazhi të Henrik Rusit, e sjell Nënprefektin e Devollit si një personazh në pasionin e fotografit.
“Unë fotografoj per pasion, dhe sigurisht shumicen e fotove i kam te Devollit.
Sepse dua të nxjer ne pah, bukuritë që ka zona jonë për ata që nuk e njohin’ u shpreh Henrik Rusi
Ai shton se fotot janë të ndryshme dhe për ti realizuar ato mban gjithmonë me vete aparatin në makinë.
‘Por ndodh dhe që këthehem kur shikoj ndonjë pejsazh por jam me punë dhe nuk mund të ndaloj dot. Unë e kam patur pasion fotografine gjithmonë por kam blerë aparatin tim të parë dhe kam filluar të fotografoj natyrën e Devollit që nga viti 2020, tregon Henrik Rusi.
Rrëfen se pasioni ju forcua mbas humbjes së babait në dhjetor 2019 dhe pandemisë mars 2020. ‘Kisha nevojë të dilja për të larguar sadopak stresin atëhere. Sigurisht dhe puna gjithmonë në lëvizje në vende të ndryshme më ka dhënë dorë në këtë pasion’ u shpreh Nënprefekti i Devollit.
Marrë nga Korça Report
