Dr. Aida Agastra, Neurologe, tashmë pranë Spitalit Amerikan 3
Dr. Aida Agastra ka përfunduar studimet e larta në Fakultetin e Mjekësisë në Universitetin e Tiranës, ku është diplomuar në Mjekësi të Përgjithshme dhe më pas është specializuar në Neurologji.
Gjatë karrierës së saj, ajo ka kryer specializime dhe trajnime të ndryshme, si brenda dhe jashtë vendit, duke përfshirë për Neurofiziologji, EEG dhe Epilepsi. Doktoresha ka marrë pjesë aktive në shumë kongrese dhe konferenca mjekësore ndërkombëtare dhe është bashkëautore e disa botimeve shkencore të rëndësishme.
Me një eksperiencë të pasur, Dr. Aida ka punuar në institucione shëndetësore të njohura, përfshirë Spitalin Rajonal të Korçës, ku ka shërbyer si neurologe për një periudhë të gjatë. Aktualisht, ajo është pjesë e stafit mjekësor pranë Spitalit Amerikan 3, duke ofruar shërbime të specializuara neurologjike për tëtrajtuar pacientë me sëmundje të ndryshme të sistemit nervor.
Përveç përvojës klinike, Dr. Aida është aktive në kërkime dhe ka kontribuar në botime shkencore në evente ndërkombëtare si EAN Congress dhe MDS. Tashmë doktoresha është një vlerë e shtuar për Departamentin e Neurologjisë pranë Spitalit Amerikan 3.
