Drejtuesi politik i qarkut të Korçës Niko Peleshi ka bërë me dije nga Erseka se për shkak të rritjes së popullsisë në kryeqytet Korça rrezikon mos ketë 11 por 10 mandate.
Edhe në rast se ndodh kjo, PS sipas Peleshit do të kërkojë të ketë 6 mandate në vitin 2025
“Ka mundësi që për shkak të rritjes së numrit të popullsisë në Tiranë, qarku i Korçës mund të ketë një mandat më pak, edhe pse Korça ishte më numrin më të pakët të largimit të popullsise referuar Census. Synimi ynë do jetë i njëjtë, duam të ruajmë 6 mandate me dy deputetë diferencë nga PD, por duke patur parasysh potencial e ri që i ofrohet politikës me këtë kod të ri zgjedhor, që është votë e diasporës, objektivat mund të rriten, sepse kemi aq votues në diasporë sa në Shqipëri. Një nga pikat e takimit në çdo bashki është dhe organizimi për votën e diasporës. Në rast se janë 10 deputetë do të ketë 3 mandate të mbyllura, në rast se janë 11 deputetë do të ketë 4 mandate të mbyllura ”
Lidhur me proceset e mandateve të deputetes Xhacka dhe deputetit Sinaj, Peleshi tha se
” Vendimi i gjykatës për deputeten Xhacka është votuar në seancë, ka hyrë në proces mandati i deputeti Sinaj, do marrë kohën e vet, është duke u shqyrtuar. Do vazhdojë procesi deri sa të ketë një vendim të këshillit të mandateve”
