Shtohen rastet e dhunës në juglindje të vendit. Një ditë më parë një grua dhunohet në Maliq nga bashkëshorti dhe vjerri i saj, ndërsa ditën e sotme Mikel Karapanxho, 42 vjeçari nga fshati Pendavinj i Maliqit arrestohet nga policia për dhunë ndaj bashkëshortes dhe babait të tij. Emanuel Zyfi sëbashku me babain rreh bashkëshorten për motive xhelozie ndërsa Mikel Karapanxho rreh bashkëshorten dhe babain për motive të dobta.
Rasti më i rëndë u regjistrua pak ditë më parë kur Bledar Trëndafili i vë flakën bashkëshortes së tij Melisa Trëndafili duke i shkaktuar plagë të rënda e cila ndodhet në gjendje të rëndë në spitalin e traumës në kryeqytet. Për mjeken psikiatre Nikolina Bode kjo problematikë duhet kërkuar tek institucionet ligjzbatuese, me konkretisht se sa funksionojnë urdhrat e mbrojtjes, pasi sipas saj edhe pas këtij urdhri veprat penale rëndohen.
Gjatë ditëve të fundit në juglindje janë regjistruar 4 raste të ngacmimeve seksuale ku më i rëndi është ai i fshatit Sheqeras ku një 71 vjeçar tenton të kryejë marrdhënie seksuale me një 9 vjeçare. Për mjeken Bode sjellje të tilla lidhen shumë me rritjen seksuale të personave, ajo e sheh zgjidhjen tek ashpërsimi ligjor për këto raste, pasi shqiperia i ka shume të buta.
Edhe për policinë 2 rastet e fundit të këtyre ngacmimeve janë bërë nga persona me probleme të shëndetit mendor. Dhuna në familje në juglindje të vendit vitet e fundit është rritur frikshëm dhe një nga arsyet kryesore renditen edhe alkooli apo lëndët narkotike
