Mbrëmë në Pogradec ka nisur edicioni i 14-të i festivalit ballkanik i filmit dhe kulinarisë.
Për 4 ditë me radhë regjisorë, producentë e studentë të kinematografisë do të sjellin për artdashësit pogradecarë por dhe pushuesit që kanë zgjedhur këtë qytet filma me metrazh të gjatë e të shkurtër.
Për Eno Milkanin, organizatorin e këtij festivali, këtë vit ndryshe nga herët e tjera është rritur prodhimi i filmave cilësorë në veçanti nga studentët e kinematografisë.
Sipas Gerta Qurku për herë të parë filmat shqiptarë që do të shfaqen në këtë festival jo vetëm janë të restauruar por dhe të titruar në anglisht, për të krijuar kështu mundësinë turistëve të huaj për të ndjekur më me interes filmin.
Në natën e parë të këtij festivali është shfaqur filmi “Sophie” me regji të Eduart Grishaj ndërkohë që festivali mbyllet me datën 29 Qershor.
