Mbyllet procesi i regjistrimit të kandidatëve për zgjedhjet për autoritetet drejtuese dhe organet drejtuese në universitetin “Fan Stiljan Noli” në Korçë.
Krahas kandidaturave për rektor është mbyllur edhe procesi i kandidaturave për dekanët dhe përgjegjësat e departamenteve të 4 fakulteteve të këtij universiteti si dhe anëtarëve të senatit akademik. Artur Prifti sekretar i Komisionit Institucional Zgjedhor ka bërë me dije se tri janë kandidatët që do të garojnë për pozicionin e rektorit të universitetit të Korçës.
Prifti më tej ka sqaruar se pjesë e këtij votimi janë afro 150 pedagogë, rreth 3000 studentë si dhe administrata e këtij universiteti.
Zgjedhjet për autoritetet drejtuese dhe organet drejtuese në të gjitha universitetet publike të vendit do të mbahen më 21 qershor.
