Tomi Selimi është një nga mjeshtrat e muzikës korçare, në mos më i miri sa i përket interpretimit të tij në kitarë. Mjafton një kalim i shpejtë në galerinë e fotove të statusit të tij në rrjetet sociale, dhe të shfaqet duke pozuar prej vitesh të kaluara me mjeshtra të kalibrit të lartë si Laver Bariu dhe Nevruz Nure (Lulushi).
Tomi Selimi është një muzikant virtuoz në rangun e këryre korifejve të interpretimit në klarinetë.
Tomi Selimi, ndërkaq është një besimtar i devotshëm mysliman, duke përcjellë vlerat më të mira njerëzore dhe shoqërore.
Ja një ‘portret” me autor Naim Jonuzi për këtë Mjeshtër!
Takim i përzemërt me maestron e kitarës.
Befas, ndjeva syte e tij të më shikonin ëmbël, në pedonalen e qytetit të Korçës, shoqëruar me një buzëqeshje të kthjellët sinqeriteti, të cilën ia ktheva me të njëjtën monedhë, por duke i shtrënguar duart njlri-tjetrit si miq të vjetër, ndonëse e takoja për herë të parë.
E ky ishte njeriu, gjurmët e të cilit janë të thella në folkun e traditës popullore të Korçës dhe në atë të serenates, duke marë me vete simpatinë jo vetëm të bashkqytetarëve të tij, por në një hapësirë tejet të madhe të qyteteve të Shqipërisë.
Tomi Selimi e quajnë, dhe në pastë Korça 1001 me të njëjtin emër, gjithkush në përfytyrimin e tij do të sjellë imazhin e tij, të maestros së kitarës, që me gishtërinjtë e tij duket sikur vallëzon mbi tastjerën e kitarës, me një performancë mrekullisht të lartë.
Nëse nuk keni dëgjuar ndonjëhere, ”kaba” në kitarë, kërkojani këtë Tomit, e ju me siguri do vini në kokë duart, pasi një realitet i tille, vjen vetëm nga mendja e gishtërinjve të tij.
Vërtet u ndjeva mirë, teksa vetëm në pak çaste dialogova me të, e të mar me vete kënaqësinë e vlerave të një artisti, ku qytetit të serenatave, asnjeherë s’do t’i mungojnë.
Marrë nga Korça Report
