Teksa qytetet që ofrojnë turizëm i kanë mbyllur aktivitetet e sezonit, Korça sapo ka filluar. Fundjavat dihen tashmë që janë të tejmbushura në juglindje por nuk do të mungojnë as aktivitetet.
Këtë fundjavë zgjidhni Voskopojën pasi do të ketë 2 ditë plot aktivitete, ushqim, argëtim, sport, natyrë dhe gjithçka tjetër që do të donit për një fundjavë të bukur.
Pasditen 16 Shtatorit do të organizohet “Pasta Festival” me gatime të ndryshme të makaronave dhe do të keni mundësinë të shijoni ndërthurjen e tyre me shumë përbërës. Krahas kësaj do të ketë një festival me muzikë live për gjatë gjithë mbrëmjes.
E diela nis me garë vrapimi në orën 9⁰⁰ të mëngjesit, për fëmijë dhe të rritur, panair me produkte të zonës, muzikë, guida turistike në Kishat e Voskopojës, tur me buggy car nëpër shtigjet më të bukura të Voskopojës, shëtitje me kuaj dhe mundësi e pafundme për të shijuar kulinarinë voskopojare.
Nuk duhet ta humbësh këtë fundjavë Voskopojën aty ku ndërthuret kultura, tradita , mikpritja dhe gjithçka tjetër.
