Specialistët për Hetimin e Krimeve në Komisariatin e Policisë Devoll kanë referuar materialet në Prokurori dhe kanë nisur procedimin penal për shtetasen A. Xh., 32 vjeçe.
Sipas hetimeve paraprake, dyshohet se 32-vjeçarja ka ushtruar dhunë psikologjike ndaj vjehrrës dhe vjehrrit të saj. Për të mbrojtur viktimat, autoritetet i kanë pajisur ata me urdhër mbrojtjeje.
Materialet procedurale janë dorëzuar në Prokurorinë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
