Nxënësit e klasës së tretë të shkollës Stavri Themeli në Korçë kanë zhvilluar një vizitë pranë Akademisë së Arteve Marciale, për tu njohur me sportin e tajkondosë, si dhe me të mirat që mund të përfitojnë nga ky sport.
Nxënësit janë shprehur mjaft të interesuar për këtë sport luftarak, ndërsa disa prej tyre janë aktualisht duke marrë mësime tajkondoje.
Gjatë kësaj vizite nxënësit kanë marrë disa nga elementët bazë të këtij sporti, duke mësuar edhe disa lëvizje vetëmbrojtje. Akademia e Arteve Marciale në Korçë është themeluar në vitin 2012, ndërsa gjatë viteve interesi i fëmijëve por edhe i më të rriturve për tu marrë me këtë sport, ka ardhur gjithnjë në rritje.
