Gjatë 24 orëve të fundit vetëm në Korçë policia lokale ka regjistruar katër raste dhune.
Në dy raste një 33 vjeç, ka ushtruar dhunë ndaj prindërve të tij ashtu siç ka bërë të njëjtën gjë edhe një 38 vjeçar, edhe ky banues në qytetin e Korçës, pasi policia ka dyshime se ka ushtruar dhunë ndaj prindërve të tij.
Nga ana tjeter një 25 vjeçare, banuese në fshatin Mborje të Korçës, dyshohet të ketë ushtruar dhunë ndaj vjehrrës së saj.
Dhe rasti i katërt gjatë 24 orëve të fundit, ka të bejë me një 53 vjeçare, banuese në Korçë, e cila dyshohet se ka dhunuar një grua tjetër dy vite më të rritur.
Vetëm pak ditë më parë në fshatin Stropckë të Pogradecit një 83 vjeçar ka plagosur rëndë me armë gjahu të birin 47 vjeçar pas dhunës sistematike që ushtronte ndaj babait.
