I riu qe shihni në ekran është shqiptari i vetëm që ka fituar medaljen e artë në Olimpiadën Botërore të Shkencave të Reja
Orges Ibi, 17 vjeçari nga Korça ka fituar pikët maksimale në këtë kompeticion të rëndësishëm të kimisë, matematikës dhe kodimit, ne një garë ku konkurronin mbi 160 të rinj nga e gjithë bota
“Ky kompeticion ishte ndërkombëtare, matematikës, kimisë ku unë mora pjesë e mora medalje të artë me pikët maksimale. I vetmi shqiptar.
Është ndër të parët qe marr pjesë, kam marrë pjesë e ne olimpiada rajonale dhe aty kam fituar disa prej fazave të rëndësishme por ky ishte kompeticion qe me çoi me lart e më njohu me njerëz të tjerë e sa i aftë jam.
Unë thjesht mora pjesë e përfundova një set sfidash, kur e pashë që dola aty ku isha, pashe që kishte të huaj nga Kina, Azia, Europa, u ndjeva krenar që ja kam kaluar në kohë të shpejtë” – u shpreh Orges Ibi.
Për të riun korçar, teknologjia është e lidhur ngushtë me jetën e tij, çka pret ta zhvillojë akoma e më tepër.
“Kodimi për mua ka qenë pjesë e rëndësishme e jetës sime, e kam nisur në një kurs në qyteza, ku pas disa orësh kisha krijuar kapacitetin për të krijuer faqe të plotë e të bukur. Kjo dhunti ka vazhduar për shumë kohë, ka arritur që të marr medalje të artë. Unë shoh se shumë prej të rinjve janë aftësuar, shoh që ka angazhim nga gjithë grupmoshat, Kodimi mund të jetë e ardhmja” – tha ndër të tjera ai.
Babai i të riut tregon se krenaria për arritjen e djalit të tij është e madhe edhe pse e ardhmja e tij pritet të jetë jashtë Shqipërisë.
“Medalja të tilla nuk është se merren vazhdimisht, kështu që ky ishte një ogur i mirë për ne e impuls i madh për Orgesin për të vazhduar aty ku do. E ardhmja është teknologjia, ai të ndihet mirë në atë qe ka qejf të bëjë.
Orgesi e la pa përmendur ky është i ftuar e New York e do shohë universitetet më të mira jashtë për të vazhduar më tej”- përfundoi Bashkim Ibi.
Janë mbi 40 të rinj në Korçë që aftesohen çdo ditë lidhur me fushat e programimit, Kodimit dhe shkencave të reja, duke i dhënë një hov të ri fushës së teknologjisë në juglindje të vendit
