Skënderbeu fiton me rezultatin 3-0 ndaj Tiranës takimin e parë të finaleve të kampionatit kombëtar të volejbollit për femra.
Të treja setet kanë pasur rivalitet deri në pikët e fundit por Skënderbeu është treguar më i saktë në fundlojë duket fituar setin e parë 25-23, i dyti 25-20 dhe i treti 26-24.
Për trajnerët Orlando Koja dhe turkun e Tiranës Bulent Karsilogu kjo ishte vetëm ndeshja e parë e këtyre finaleve e si e tillë ka pasur ngarkesë të madhe psikologjike dhe emocionale.
“Ndeshja përgjithësisht pati gabime në disa fragmente të lojës. Është e kuptueshme sepse janë finalet dhe ngarkesa psikologjike është e madhe. Ajo çka do të ndodhë në Tiranë do të jetë një histori krejt ndryshe nga ajo që pate në Korçë. Ndikon dhe faktori fushë. Por ndeshja në Tiranë i përket Tiranës” – tha Bulent Karsilogu.
Për kapitenen korçare Elena Bego, organizatoren Fabiana Perce dhe Kayla Williams titulli kampion rikthehet në Korçë.
“Jam shumë e lumtur që sot fituam. Kërkoj shumë ndjesë tifozëve dhe ekipit sepse sot isha e sëmurë dhe nuk munda të jepja 100% nga vetja. Titulli do të vijë në Korçë. Kjo nuk diskutohet. Ne do të jemi kampionët“- u shpreh Fabiana Perce.
“Sot kërkuam t’i tregojme Tiranës se nuk ka asnjë ekip që mund të fitojë në fushën e Korçës. Dhe këtë bëmë. Titulli na përket ne. Sot patëm disa gabime të vogla por jam e bindur që këtë vit titulli vjen në Korçë“- tha Kayla Williams.
Ndeshja e dytë e këtyre finaleve luhet në kryeqytet të mërkurën ora 19:00 në pallatin e sportit” Asllan Rusi “
