Taulant Balla ka dhënë porositë e fundit në Pikën Kufitare Qafthanë përpara se të lërë detyrën si Ministër i Brendshëm.
Ai ka udhëtuar sot drejt Pogradecit, teksa ka porositur palën shqiptare që të jetë nën kontakt me palën greke për të mundësuar kalim sa më të shpejtë të qytetarëve.
“Fluksi në Pikat e Kalimit Kufitar, Ministri i Brendshëm nga Qafthana, në Pogradec jep porosi për kalim në regjim të lehtësuar.
Sa i përket pikave të kalimit me Greqinë të mbahet kontakt me palën greke për rritjen e numrit të sporteleve”, thuhet në njoftimin e Ministrisë së Brendshme.
Sot në orën 17:00 do të miratohen edhe dekretet e Presidentit Begaj për ministrat e rinj të kabinetit. Taulant Balla do të zëvendësohet nga Ervin Hoxha, ndërkohë që do të jetë sërish pjesë e qeverisë, pasi do të emërohet Ministër i shtetit për Parlamentin.
