Forcat RENEA kanë mundur të neutralizojnë, 71-vjeçarin Edmond Naska, i cili terrorizoi qytetarët në lagjen numër 16 të qytetit të Korçës, duke u ngujuar në apartamentin e tij dhe duke qëlluar me armë në ajër.
Forcat RENEA kanë përdorur një taktikë të posaçme ndaj 71-vjeçarit, duke e thirrur të dalë në ballkonin e banesës në katin e parë.
Pasi Naska ka dalë aty i paarmatosur efektivët i janë afruar me ngadalë duke e mbajtur nga krahët dhe duke e lidhur tek kangjellat e jashtme të banesës në mënyrë që ai të mos kishte mundësi të merrte armën.
Më pas pjesëtarë të tjerë të RENEA-s kanë ndërhyrë nga dera e banesës duke hyrë brenda dhe duke e arrestuar.
