Sipas poçarëve enët e para janë prej balte, ndaj e për këtë për të ruajtur traditën e baltës, në javën e Pashkës historikisht në Korçë janë organizuar panaire.
Vitet e fundit kjo traditë duket se po humbet, në vend të poçerisë së baltës së Korçës panairi organizohet me poçe qeramike, të ardhura nga importi.
Qytetarët e Korçës pranojnë se dikur organizoheshin panaire me prodhime balte të zonës së Bradvicës së Devollit të Sipërm ndërsa sot nuk ka më prodhime të kësaj balte.
“Siç theshin të parët tanë, duhet të marrësh baltë se nga balta është krijuar jeta. Marrim baltë për ditën e premte. Nga balta e Korçës mundohemi ti marrim, edhe pse nuk janë të gjitha të tillë, objekte prej balte marrim. Nuk e di nga janë në fakt. Me para kur isha vajzë e re bëhej në Mitropolia vetëm baltë nuk kishte objekte të tjera porcelan etj, bilbiba për leket, objekte të ndryshme. Ato ishin me baltën e Korçës tani është ndryshe.
” bleva qirinj dhe baltë. Ka ngelur rregulli, i ndjekim ato. Tani nuk e di cila baltë është apo qytete të tjera, dikur ishte nga Korça balta. Traditë traditë, marrin të premten e zezë, qan Zoti, varroset Krishti ”
Bujar Sula është një nga mjeshtrat e punimit të baltës në Korçë.
Ai thotë se panairet në Korçë kanë qënë vetëm me baltën e zonës së Bradvicës madje e mjeshtrat vinin nga ajo zonë, të cilët prodhonin enkas për javën e Pashkës ndërsa sot për fatin e keq këto prodhime mungojnë.
“benin bilbilka, që sot nuk i bën dot asnjë. Ishte teknike e veçantë. Mund të bësh një por jo 100-200, ishte teknike e veçantë e kohës së vjetër bardhacka për të pirë ujë, me interesante, baltë algjire, nga ajo ene pihej ujë i freskët. Sot vetëm porcelan, pjata, gota, tasa, kockë sheqer, event në Korçë e ka vetëm Korça panairin e baltës. Qeramikes artistike. Iku kjo e do ike me tepër se nuk do ketë ”
Panairet e prodhimit të baltës datojnë të organizuara që me themelimin e Korçës në vitin 1496
